meninger-om-kontekst

Ingrid, rektor på Lesja skule

Tue, 22 Sep 2009 17:39:55 +0100

På Lesja skule gjekk vi over til å bruke Kontekst da LK06 kom. Vi bestemte oss for dette læreverket fordi det gav oss inntrykk av heilskap – vi meinte det var enkelt å sjå samanhengar i læreverket, og at kursinndelinga var eit nyttig verkty for læraren/skulen i arbeidt med å bryte ned kompetansemåla i Læreplanverket.

Etter å ha starta opp med Kontekst for andre gong i 8.klasse, må eg si at eg er glad vi valde dette læreverket. Visst er det stort og tungt (masse), men det er eit utruleg enkelt læreverk å nytte når ein er vorte kjend med oppbygginga av det.

Eg liker spesielt godt kursinndelinga i læreverket; når ein fyrst har laga seg ein treårsplan kor ein vektar stoffet og kursa, er det enkelt både for elevar og lærarar å gå attende og repetere tidlegare kurs, og å byggje vidare på kurs som er gjennomførte tidlegare. Altså eit godt verkty for å sikre progresjon og synleggjering av samanhengar.

No er det ikkje slik at læreboka skal styre undervisninga i skulen, men dersom ein ser på kompetansemåla i Læreplanverket opp mot dei ulike kursmåla i dette læreverket, finn ein at det aller meste er godt ivaretatt i Kontekst. Eg meiner derfor at ein godt kan legge ein del vekt på læreboka i norskfaget, dersom ein vel Kontekst.

Eit anna moment eg vil trekkje fram som positivt, er ressurspermen som høyrer til læreverket. Forfattarane sitt fokus på mål, kjenneteikn på måloppnåing, vurderingskriterium og eigenvurdering for elevane er svært aktuelt i desse dagar, med ny vurderingsforskrift og fokus på vurdering for læring. Det er sjølvsagt ikkje alt ein som lærar vel å bruke i ein slik ressursperm – men som namnet seier – det kan vere ein ressurs, blant mange andre.

Det er eigentleg ikkje noko spesielt eg saknar med Kontekst. Sjølvsagt var det ein overgang å bruke eit læreverk som har så vidt lite fokus på litteraturhistorie og tekstar av ”dei gode, gamle”, når ein tidlegare har brukt Frå saga til CD. MEN: No er det nå eingong slik at det er kompetansemåla i LK06 elevane skal arbeide for å nå, og dei har jo som kjend ikkje mykje fokus på litteraturhistorie spesielt. Så får heller dei som saknar fokus på litteraturhistoria i læreverket supplere frå tidlegare læreverk, dersom nokon ynskjer det.

Eg vil rå alle norsklærarar til å ta ein titt på Kontekst – det er etter mitt syn eit godt læreverk, men det tek tid å bli kjend, og fortruleg med det!

Ingrid

Anne Karin, Dombås skule

Tue, 22 Sep 2009 17:40:20 +0100

Litt om norskverket vi brukar, pluss og minus.

Pluss:

Ryddige bøker, greit inndelt i kapittel og kurs.

Kursa har lite lesestoff, greit å få med seg for alle, sjølv dei svakare elevane. Det er i tillegg til teksta ein heil del oppgaver å jobbe med, både i basisbokaog i oppgaveboka. Dette gjer det lett å differensiere.

Mykje litteratur til dei ulike kursa, desse fins i Tekstar 1 og 2. Dette er artiklar, noveller og dikt mm som ein kan bruka i samband med teorien i basisboka. Forlaget har laga ein plan til kva som kan brukast. Dei har og forslag til kva emne som kjem på dei ulike årstrinna ut i frå mål i læreplanen. Eg synes denne er grei å bruke.

Minus:

Litteraturhistoria er ikkje så godt ivareteke som i t.d Frå saga til cd. Her syns vi at ein må bruke tilleggsstoff for at det skal bli tilstrekkjeleg.

Det er mange tjukke, tunge bøker i dette verket, så det må planleggast godt kva eleven skal ha med heim, ellers kan sekken bli tung!

I det heile synes eg dette er eit bra norskverk som eg likar å bruke. Det er og fine nettsider til verket.

Geir, Ringebu skole

Tue, 22 Sep 2009 17:40:37 +0100

Her har jeg sammenlignet deres læreverk, "Kontekst", opp mot læreverket "Fra Saga til CD"
Jeg har satt opp både positive og negative sider med begge.

Velkommen

Sat, 19 Sep 2009 12:56:01 +0100

Velkommen til vår blogg. Her kan du som har brukt KONTEKST, eller kunne tenke deg å bruke KONTEKST, skrive inn og gi oss din mening om læreverket.
Vi er interessert i:

- hvorfor bruker du/ bruker du ikke dette læreverket?
- hva liker du best ved verket?
- hva liker du ikke ved verket?
- er det noe du savner ved verket?

- hvorfor/hvorfor ikke- spørsmål!

Send din mening til: hareland88@hotmail.com så legger vi det ut på bloggen!